 |
| | |
Willkomm bi ösne Tier
Mer sind Schwiizer ond redet halt Schwiizerdütsch...
Frohi Oschtere 🐣
Am 13. April esch Oschtere - nöd vergässe 🐣🐣🐣
Geisslipuur 🧑🌾
Zu dem Name sind mer cho, will im Dorf ös efang no mäng äne so benamst. Mir findet das no en passende Name ond gad da druff e gliichnamigi Internetsiite eröffnet.
Es herzlichs Dankeschön 🙏
- Nöd nome ösem Namensgeber, au all dä liebe Lüüt om ös ome wo ös unterstützed bi öser Tierhaltig....
 Am Stalleigetümer wo ös au Weideflächi zur Verfüegig stellt....- All denä tolle Nachbare wo ös mit Kafi ond Chueche verwöhned....
- Puure wo ös unterstützed mit Idee ond guete Ratschläg....
- Vili gueti Mänsche im Dorf wo ös Pföhl, Weidematerial, Fuetter bringet...
- Mit hönd Glück ond wohned ime guete Dorf mit tolle Mänsche ond erä wunderschöne Umgäbig!
Ösen Stall wandelt sich 🏠🔨
Mittlerwiile isch dä Stall i ösi Pacht gfalle. E laaaaangi Gschicht... 😵💫
Geisse 🐐
 Aagfange hönd mer mit »Pfauegeisse«, han aber mit derä Zucht ufghört und stattdesse mit minere wahre Passion wiitergmacht - dä »Capra Grigia´s«, dä Graue oder wie´s im Tessin gnannt werdet: »Cavra del Sass«. Sind vo aafang a mini Favorite gse, aber hät sich halt so ergäh. Uushängeschild
 Ösi Erfahrige mit Gitzeli hämmer scho chöne usgibig mache - ond jetzt gömmer langsam mit meh professionalität a die Zucht ane.
Momentan send be ös Cristallina Arina Orsetta Emilia diheime.
Ösen Geissestall nimmt forme aa. En rächte Geissegade hömer scho im 23i baue und im 24i isch e tolli Gitzibox dezue cho, mitteme chline Uuslauf.
Sobald Gitzeli da sönd, die Gitzeli au kei Milch me bruuched (zerscht Gitzi, dänn no mir), chömmer wieder Milch und Chäs verchaufe. Freu mi druff.
Din Bsuech wör ös freue 😃
Lueg doch efach bi ös mal verbii.
Immer am Mittwuch zwüsched em abig am 5i und 7i simmer für Bsuecher und Interessierti da
Lueg ine, lueg ös über d´Schultere bi ösne Stallarbete bi dä Ross ond bi dä Geisse. Wänn Frage häsch, tüend mir die gern beantworte.
Kafi, Tee, Bier oder Mineralwasser esch ägetlich immer verfüegbar. Sitzplätzli ää.
Mer und ösi Tier freued sich of din Bsuech.
Chasch dä Termin direkt importiere ➝  |
|
|
